移民搬屋不可不知的7件事 - 附斷捨離實用錦囊
香港近年吹起移民風，熱門移居國家包括加拿大、英國、澳洲，由萌生移民嘅念頭開始，申請手續、辦VISA、個人發展、屋企人生活及升學、物業資產等等嘅安排，林林總總嘅事已經相當頭痕，開始執屋時發現好多物品都想帶過去⋯⋯究竟移民嘅海外搬屋要點安排好呢？
運輸公司繁多 透明度不足
一個移民決定，唔單止全家人要有移居海外要有心理準備，全屋嘅傢俬同物品都要郁，名符其實「牽一髮動全身」，當你開始搵國際運輸公司嘅時候，會發現選擇太多，一方面無時間逐一格價，另一方面唔知從邊度開始好，唔同國家嘅國際運輸公司究竟點收費? 緊張會唔會有細節遺漏，上機前要處理好移民運輸任務，真係猶如「過關」打大佬！
無論係本地搬屋或移民海外，唔少人會因為怕麻煩，唔識報價而遇上運輸公司收取「海鮮價」，除咗費用比預期高咗之外，忽略細節亦會導致漏件或嚴重損毁，為免大家喺移民嘅路途上「中伏」，由EASYMOVE分享下移民海外國際運輸要注意嘅7件事- 移民搬屋錦囊：
#1 留意報價方式
喺香港嘅搬運或物流公司都唔少，大家有時心急或怕格價麻煩，有機會會是旦搵間，加上唔係太識同搬屋公司師傅溝通，唔識點報價，好多時被收取「海鮮價」，有時未必係對方特登收貴你，而係有好多項目無喺查詢或報價階段講明，或會有預期之外嘅附加費。
大家留意運輸公司嘅報價方式，問清楚收費是否已經包括當地清關及運輸費用(Destination Charge)，有人試過自己報價，初時見價錢好平，但埋單時先發現當地嗰程運送Markup 勁多，成個門到門運輸 （Door-to-Door Delivery)費用高咗， 導致大失預算。
國際搬運或搬屋服務：網上配對合適移民搬運公司，預先智能報價透明高
#2 注意包裝細節
搬屋時大家一般會準備大量紙箱，好多時只會預紙箱數目，當要處理貴重物品或需要特別處理嘅物品時，先發現手頭上包裝物料不足，例如泡泡紙 （Bubble Wrap）、大褸防塵封袋等，當然大家可以落文具店或家品店買...但其實有啲搬運公司或搬運公司智能報價平台可以喺落Order時訂埋嘅，揀移民運輸公司時可以留意下有無包裝上嘅選項。
#3 留意限禁物品
辛辛苦苦執好同Pack好晒，清關時先發現內有違禁物品唔准寄，嘥氣！好多人都鍾意收藏紅酒，有啲人會將一百支甚至幾百支紅酒寄過去，嗱，而家係移民，唔係做貿易，數量太多好大機會要打稅， 最好就係臨走前喺香港賣晒佢，或Farewell時開嚟飲晒佢，如果真係有心愛嘅珍藏要運去當地，要喺List of Goods 度寫明相關價值同埋幾時買。
另外，老婆嘅首飾箱珠寶同嫁妝，999金同鑽石等貴金屬同貴重寶石首飾，亦需要喺List of Goods列明項目、件數同價值，留意禁運項目以免延誤清關手續。
#4 購買保險
移民嘅路途遙遠，長征嘅過程有機會遇到破損，除咗包裝要小心啲，大家記得買保險，爛咗怨搬運公司都無用，因為好少會提供破損賠償，如果內有價值較高嘅電器或珍藏品，就要預埋保險費用嘅Budget。
#5 與家人溝通斷捨離
清屋、執屋時發現好多「無謂嘢」，但家人可能覺得好有意義必須搬過去，除咗同屋企人要積極溝通，仲要留意斷捨離後會唔會會出現太多廢棄物，要求搬屋公司處理廢棄物品或會收費，（「海鮮價」又出現？不過處理廢棄物真係一項服務要人手㗎），尤其係大件傢俬電器，需要搬過去定丟棄，同家人及搬運公司事前好好溝通，會更加Perfect。
#6 搵專業
好多人會覺得自己物品唔算多，臨走前以為將啲物品就咁去郵局寄或快遞站寄過去海外地址就得 ，要自己抬啲物品過去磅重，花嘅時間多之餘，有時太大件貨物唔接受，運送費用亦會相當高。
建議大家搵專門做移民運輸同有經驗嘅國際搬運公司，除咗必定可以搬運較重嘅大件物品之外，仲有搬運細節貼士，或者選擇搬運公司智能報價平台，連結專業嘅國際搬屋公司報價，唔駛周圍搵。
#7 預時間
留意返運輸物品唔會即刻到，例如運去英國如London或Manchester等大城市，門到門大概 55-70日 (開船計27日至45日)一落機有啲嘢必須要用嘅嘢無得用，或會覺得運輸公司安排失當，大家安排移民托運時，要同運輸公司對夾下物品到埗嘅時間並且要有共識。
如果有啲嘢急用，例如係冬天衫，請自行執落行李或者預咗喺當地買。 另外，好多時香港層樓要交吉 ，但又未到上機日子，已Pack好嘅貨未開始運送得住嘅話，不妨了解下運輸公司會唔會備有暫存服務及相關收費。
國際運輸貼心服務： 由香港出發享 14日免費存倉
運送前掌握預算 搬運易免煩惱
喺香港搬屋都唔係容易，何況移民咁大件事，不過移民實在太多嘢煩，國際運輸呢一預任務，就交俾EASYMOVE為你張羅！
EASYMOVE 搬運易為香港人提供具透明度嘅搬運報價平台 , 透過智能網上報價系統令客人充份了解運送細節、價格 , 避免出現「海鮮價」，只需喺網上輸入出發地同目的地就開始訂單， EASYMOVE就會將客戶同各大運輸公司連結，輕易搞掂曬搬屋及運輸公司配對，搵到最合適嘅國際運輸公司，帶俾你真正輕鬆、容易、優秀嘅搬遷體驗， !
EASYMOVE 搬運易
電話/WhatsApp :+852 46285535
電郵： [email protected] （一般查詢）
[email protected] （業務查詢）
常見問題 Q & A：
問： 點解移民搬屋運送價格會出現「海鮮價」？
答：香港嘅國際搬運公司太多，加上唔係太識同搬屋公司溝通報價明細，好多時被收取「海鮮價」，查詢時選擇透明度高嘅報價，避免有預期之外嘅附加費。
問： 移民寄國際運送時，有邊啲物品係禁運嘅？
答：留意目的地嘅禁運項目，大部份都唔准運送酒精、化學品、植物、煙草等等，貴金屬亦要填妥List of Goods報清楚價值，先調查好再Pack箱，避免打稅及延誤清關手續嘅情況。
