常見問題

1.送貨有重量限制嗎?

無限制，我哋嘅平台會連結唔同嘅運輸公司，備有多種類型嘅噸車, 無論幾重幾大都可以運送。

2. 提貨同送貨係唔係包上樓?

係, 我哋提供是門到門搬運同貨運服務。

3. 你哋有提供包裝物料嗎?

有, 只要落單時選擇所需物料就得, 我哋會免費提供包裝物料。

4. 你哋有提供裝拆傢俬服務嗎?

有, 只要落單時選擇所需裝拆嘅物品就得, 但係留意服務並唔包括上牆費用。
(附注：上牆嘅意思指平面電視掛牆、吊櫃、燈飾、重型物件吊運。總言之，需要用電鑽嘅工程。)

5. 預約好嘅訂單可以取消嗎?

搬運及搬屋：可以! 喺搬運或搬屋之前72小時前可以取消；如果喺指定搬運或搬屋嘅時間72小時內取消，會收取50%嘅行政費, 訂金亦唔會發還。
貨運：可以! 喺貨運之前12小時前可以取消；如果喺貨運嘅時間12小時內取消，會收取50%嘅行政費, 訂金亦唔會發還。

6. 如果收貨時發現包裝有損壞點算?

送貨行駛途中，貨車車內嘅貨物會有一定程度嘅波動，我哋建議客人小心包裹要運送嘅物品。如果喺有足夠保護嘅情況下，貨物喺運送途中仍然有損壞，經我哋評估後，最多可獲賠償運貨單總金額15%嘅費用。但喺無足夠保護嘅情況下，經我哋評估後，我哋唔會對易碎或已損毀嘅物品作出賠損。另外，如果出貨時物品狀態已損壞，亦唔會獲得賠損。如需額外保障，可透過家居保險及貨運保險公司查詢相關事宜。

7. 需要行樓梯嘅村屋或唐樓會安排運送嗎?

無論收貨地點係村屋定唐樓，我哋都可以上門送貨，但留意返要搬樓梯嘅訂單會有附加費。

8. 你哋有工具搬運重貨及提供吊運嗎?

有，我哋合作嘅搬運公司提供專業嘅重貨搬運、傢俬搬運、貴價物件搬運以及村屋吊運服務。

9. 你哋有存倉服務嗎?

有, 我哋有存倉服務。另外, 我哋亦提供14日免費存倉服務(只限由香港地區出發至海外嘅訂單)。

10. 網上智能報價同最終收費會否不一樣?

呢個情況有可能會出現，我哋的網上智能報價系統，係根據客人所提交嘅資料作出初步估算，一般嚟講，最終報價同收費會有大約正負5%的差異。我哋會透過機器學習（Machine Learning）逐步收窄差異。

另外,報價亦唔包括倉庫費用(如有) 及實報實銷嘅雜費 (如有)。

11. 點落單？下單流程及運送安排係點呢?

本地服務:

透過網上智能系統，直接獲取報價
確認訂單後，請安排訂金15%，可用銀行轉賬/信用卡/FPS/支付寶/微信支付/八達通
我哋會安排紙箱及/或包裝物料（如有），送抵出發地
如選擇以現金支付，需於收到包裝物料時，找埋尾數(即餘下的85%)；如毋須包裝物料，就喺完成搬運/送貨後用電子支付
自行入箱/入袋及包裝好
我哋會安排合適嘅搬運公司，上門開始搬運
安全送達目的地及安排裝拆（如適用）
完成後以電子支付找埋尾數 (餘下的85%), 可用銀行轉賬/信用卡/FPS/支付寶/微信支付/八達通

國際服務:

透過網上智能系統，直接獲取報價
確認訂單後，請安排訂金15%，可用銀行轉賬/信用卡/FPS/支付寶/微信支付/八達通
我哋會安排紙箱及/或包裝物料（如有），送抵出發地
自行入箱/入袋及包裝好
我哋會安排合適嘅搬運公司，上門收件
提供免費存倉服務
完成後以電子支付找埋尾數 (餘下的85%), 可用銀行轉賬/信用卡/FPS/支付寶/微信支付/八達通
安排國際運輸（可選海運/船運/陸運）
安全到達目的地