移民搬屋係咪一定要定製木箱呢？安全穩健國際搬運貼士
香港人熱門嘅移民目的地為英國 （Manchester、London）、澳洲（Melbourne、Sydney），加拿大( Vancouver、Toronto )，其中加拿大Stream B 近日公佈進一步放寬對香港人移民嘅資格，對好多計劃移民嘅人嚟講 ，非常心動並且馬上行動，了解計劃後，早日動身安排好移民搬屋Plan，喺選擇國際搬運公司作移居可以了解下服務係咪適合自己。
穿洲過省要安全穩健
今次EASYMOVE分享下加強國際托運安全嘅項目，一般呢啲服務係要額外收費，係有需要先加，大家學識每項服務係咩，評估下實際需要先加：
甚麼是木箱？
國際搬運中嘅木箱（Wooden Crate）係一種用嚟包裝同保護貨物嘅容器。通常由夾板、纖維板，或蔗渣版等等嘅木材製成，具有堅固嘅結構同耐用性，能夠承受運輸過程中嘅振動同衝擊。
木箱通常係根據貨物嘅尺寸同重量度身定制做，以確保貨物能夠安全咁運輸，比較預訂尺寸嘅方式節省運費。木箱具備各種尺寸同形狀，以適應唔同類型嘅貨物，無論係商業用 （例如小型零件、大型機械設備）定係移民搬屋使用都啱駛。
木箱的特點包括：
1. 強韌耐用：木箱通常由木材製成，能夠承受運輸過程中嘅壓力同振動。
2. 保護力強：提供貨物嘅保護層，防止喺運輸過程中受損，或受到外界衝擊影響。
3. 安全防滲：通常可以進行密封，以保護貨物免受潮濕、灰塵和其他不良環境因素嘅影響。
4. 易於處理：木箱一般配備手柄同固定設施，便於裝卸同搬運。
物流界木箱知識： 喺國際搬運中，定製木箱需要符合相關嘅國際規範，例如國際植物保護公約（IPPC）嘅規定，以防止有害生物的傳播，請留意選擇國際物流公司、移民搬屋公司好唔好嘅時候，必須確認佢哋識唔識： 國際搬運用木箱時要遵守目的地國家或地區嘅相關法規同要求，尤其係關於木材檢疫同處理，發達國家例如美國、澳洲、英國同加拿大，都有等別嚴格嘅規定，唔係是是旦旦就入到境。
包膠即係咩意思？
進行「包膠」(Plastic Film Wrapping) 係國際貨運中嘅術語 (亦會叫做「包保鮮紙」)，通常係指將貨物用塑膠薄膜或縮膜包裝，以保護貨物，並確保其喺運輸過程中嘅完整性，加埋完成「上板」先會安排運輸。
當貨物完成裝箱，並放置喺貨車或貨櫃時，為咗進一步保護貨物免受潮濕、灰塵同其他外界因素嘅影響，物流操作人員通常會用塑膠薄膜或縮膜，將整個貨物包裹。呢種包裝方式可以提供額外防護層，防止貨物喺運輸過程中受損或受到污染。
包膠仲有以下幾個目的：
1. 防塵防潮：防止滲水或灰塵進入貨物，保持貨物清潔乾爽。
2. 安全固定：將貨物固定一齊，避免喺運輸過程中移位或損壞。
3. 避免開箱：可視嘅保護層，可防止盗竊或未經授權的開箱行為，避免有心人操縱貨物。
裝箱包膠係一種常見的包裝方式，一般會搭配「上板」，用塑膠薄膜或縮膜將貨物包裹可提供額外保護同固定功能，以加強貨物喺運輸過程中嘅安全性同完整性。
上板只係一塊卡板咁簡單？
物流界入面，「上板」(Palletizing) 係指將貨物放置喺運輸載具（Carrier ，例如貨櫃、貨車、飛機等）上面嘅載板，或者載具嘅內部，以便進行運輸。通常用嚟形容貨物從倉庫，或集貨點裝載去運輸工具上，或者從運輸工具卸載貨物去目的地。移民搬運嘅時候，由於牽涉大量嘅紙箱同埋傢俬，一般會建議包膠同時上板，做到安全穩固。
上板包括以下步驟：
1. 裝載貨物：貨物(家檔)喺屋企、倉庫或集貨點進行包裝、標記同準備後，通常會用起重機、唧車或其他裝卸設備，將其放置在運輸載具嘅載板上。
2. 安全固定：為咗確保貨物喺運輸過程中嘅穩定性同安全性，通常會用繩索、飛機帶或其他固定裝置，將貨物固定喺載板上，配合包膠以防止郁嚟郁去，減低損壞嘅風險。
3. 檢查確認：上板過程中，物流操作人員通常會檢查貨物數量、狀態同標記，以確保貨物正確且符合運輸要求。
4. 文件處理：喺上板完成後，相應嘅文件同運輸文件, 如提單 (Bill of Lading) 、包裝列表（Packing List）等等，都需要處理同確認。
上板係物流供應鏈中一個重要環節，咁樣貨物先可以喺起點順利運輸到目的地，標誌著貨物嘅轉運同運輸過程嘅開始。
認清「需要」，而不是「想要」
留意返，本身你需要運嘅嘢係乜嘢？係咪真係有需要帶過去？會唔會喺當地買仲平啲?如果冇咁嘅需要嘅話其實真係唔需要帶過去，有時有啲嘢喺當地買，仲會平過運費!
好似電視機呀鬚刨啊電動牙刷呢啲野，真係冇乜必要都唔使拎過去，因為喺當地買仲平。有時仲要留意埋個電壓適唔適合，譬如係移民去加拿大個電壓同埋插頭都唔適合，盡可能電器嘅嘢都唔帶過去!
講返國際運輸，好多客戶都想知係咪一定要定製木箱，木箱係好，但只可以用一次，費用較高，亦唔夠環保，有機會淨係包膠加上板，都足夠移民搬屋安心穩健運送嘅需要，如果真係唔太清楚，可以隨時搵EASYMOVE查詢。
學識點問報價，杜絕海鮮價
老實講，搬屋同各種服務真係包含好多血汗同物料Cost，客戶必須了解自己買緊咩服務以及係咪真係需要，定製專屬木箱嘅費用抵唔抵，真係有需要先至好加，選擇移民搬運公司嘅時候，建議搵價格透明度高，門對門運送真正全包嘅公司了解，若到目的地後再臨時收取附加費，必定會大失預算，體驗亦唔會好。
EASYMOVE 搬運易
網上快速落單查詢 : 按此填Form
電話/WhatsApp :+852 46285535
電郵： [email protected] （一般查詢）
[email protected] （業務查詢）
常見問題 Q & A：
問 : 移民搬屋一定要定製木箱嗎？
答： 不一定。木箱要定製，只可以用一次，費用亦會較高，可以聯絡EASYMOVE問問，了解實際需要再作評估! 一般黎講, 無傢俬嘅話，用紙箱上板包膠都好足夠!
問：國際搬運大件物品，包膠上板有甚麼好處？
答：包膠可以防塵防潮、保持貨物清潔乾爽，亦會更安全固定，避免喺運輸過程中移有過多嘅移動而損傷，亦可避免未授權嘅開箱，一般會配合上板，減少貨品移動嘅次數，從而減低爛貨嘅風險。
