國際運送禁運清單 - 加拿大篇 : 千祈唔好寄呢種食物
呢幾年加拿大推出「救生艇計劃」Steam A/ B 移民計劃，更多香港人會選擇移居加拿大，EASYMOVE除咗提供智能報價，令您輕鬆選擇最平嘅國際運送方案寄件去加拿大，仲比一般公司更快送抵目的地，不過，如果運送貨品內有禁運嘅項目，會大大影響清關及運送時間表，EASYMOVE今次幫大家整好加拿大關禁清單，避免因為執錯嘢導致延誤。
搬運或搬屋服務：網上配對合適移民搬運公司，預先智能報價透明高
香港人熱門嘅加拿大移民地區主要為安大略省 ( Ontario 簡稍安省)嘅多倫多 (Toronto)、 卑斯省 （British Columbia 簡稱BC省）嘅溫哥華 （Vancouver)，仲有艾伯塔省 （Alberta）嘅卡加里 (Calgary)同魁北克省 （Quebec）嘅蒙特利爾(Montreal)，無論您選擇搬去邊，斷捨離之前必定要Check下加拿大禁運嘅目錄，避免海關扣查、沒收、罰款及延誤運送，大家參考下以下清單*：
#1. 新鮮水果、蔬菜及種子
移居外地有部份人想試下種下嘢自給自足 ，了解到香港食開嘅水果或蔬菜唔一定有得賣，就心思思想帶啲過去，記住大部份嘅新鮮水果同蔬菜等食品都係禁止攜帶嘅，尤其係各類種子、秧苗都唔可以，甚至用作肥料或飼料用嘅魚粉都係禁運。
#2. 穀類及海味乾貨
加拿大列明禁止攜帶大多數穀類，包括大米、小麥、玉米等等，海味同乾貨喺官方禁運清單無明確註明，擁廿年以上國際運送經驗嘅EASYMOVE提提大家，魚翅、陳皮同燕窩一定唔寄得，請留意屋企人有無俏俏放入搬運箱。
#3 肉類及其製品：
加拿大禁止攜帶大多數肉類和肉製品，包括豬肉、牛肉、羊肉、雞肉同其他家禽，乾貨手信類如肉鬆,豬肉乾及牛肉乾亦唔可以帶，只有少數例外包括經廠商消毒及真空包裝罐頭，但都係建議唔好入箱要跟身 （想食罐午餐肉都咁難。。。）。
#4 乳製品
加拿大禁止攜帶大多數乳製品，包括芝士、牛奶、乳酪等，少數例外嘅係經過無菌處理嘅罐裝或包裝奶粉、嬰兒配方奶粉等，BB食開嘅奶粉一時間又好難轉，但都要隨時留意當地奶粉入口嘅數量限制。
#5 紅酒及烈酒
滿19歲嘅成年人可以帶一定數量的酒精飲料進入加拿大，但係每個省份嘅限制不同，攜帶嘅酒精飲料數量亦唔同。一般嚟講，攜帶的酒精飲品數量不能超過以下限制：
- 1公升的酒精飲料，如葡萄酒、啤酒或烈酒 或者
- 1瓶750毫升的酒精飲料 或者
- 24罐355毫升的啤酒
如果攜帶的酒精飲料超過限制，好大機會要支付額外嘅關稅，亦要喺入境聲明度註明有酒精飲品，以便海關進行相應的審查，EASYMOVE 建議大家Farewell時飲晒佢，或到收購紅酒/烈酒嘅店舖賣咗去或轉讓他人，真心唔捨得嘅佳釀，就喺List of Goods 中寫清楚價值同幾時購買先好運過去。
#6 藥物及保健品
大量嘅止痛藥、維他命等Supplement 及其他成藥物、處方藥，都唔可以運送，同乾貨同一道理，中藥都唔好諗啦，個人及屋企人必須嘅藥物建議跟身，尤其處方藥需準備醫生紙以備過關時要出示。
除咗以上食物飲品，仲有其他禁運Items 要留意：
- 貴重金屬、金條、銀條
- 煙草
- 棉花
- 皮草
- 礦物及化學產品
- 家用漂白水、漂白粉
- 易燃物品如香水、指甲油、膠水及粘著劑
- 各種易爆炸之物品、火柴、打火機
- 酸性及鹼性電池及其液體、鋰電池
- 武器、槍彈及其他易爆物品
- 色情及宗教物品
Pack箱前停一停諗一諗
移民搬屋執箱時唔單止要斷捨離，即使日常有用嘅物品，都要了解下入唔到境，如果撞正係禁運物品，得不償失又麻煩，建議將未到期嘅包裝或罐頭食品轉贈俾慈善機構，移民係開展新生活，喺香港食開嘅用開嘅，預咗要改變下，或會有新嘅體會。
*以上內容截至發稿日，每個地區嘅禁運項目會隨著政策新增，EASYMOVE並不代表所有內容的準確性，請執屋前參考目的地海關資料或WhatsApp 聯絡EASYMOVE查詢。 請按此查看最新加拿大禁運清單。
EASYMOVE 搬運易
電話/WhatsApp :+852 46285535
電郵： [email protected] （一般查詢）
[email protected] （業務查詢）
常見問題 Q & A：
問：加拿大有邊啲物品唔寄得？（什麼東西不能寄加拿大）
答： 新鮮水果、蔬菜、穀肉、大部份參茸海味、肉類、乳製品、酒精、藥物、貴金屬、金條、皮草、危險或易燃物品等等，詳情請留意本網站更新。
問：如安排國際搬運時，包括加拿大禁運項目，會有咩後果？
答：必定會延誤運送，物品有機會會沒收、罰款、補交關稅及其他稅項。
