移民離港前清稅安排貼士-離職前記得叫人事部準備呢張表格
計劃移民嘅香港人除咗申請VISA，了解目的地嘅學校、搵屋、搵工同國際搬屋嘅事之外，請記得喺離港前處理好清稅，以免被誤會「逃稅」，在職嘅朋友最後一期糧亦有機會被扣起，千祈唔好喺離境後清稅，EASYMOVE 會分享下清稅嘅貼士，處理好就可以安心移居海外！
智能報價透明高，幫你格到最抵又安心
其麼是清稅？
喺過去嘅財政年度在職及有稅務責任嘅人士，喺移民離港前，需要完成「清稅」手續，即繳清所需稅項，根據《香港稅務條例》，需繳交薪俸稅嘅公司員工要喺離港前通知稅務局，搞掂清稅，如果係公司老細，離港時未有結束業務嘅意向，就唔駛清稅住。
記得早啲通知人事部
離職時人事部嘅同事難免會知道你有計劃移民，但未必個個HR都咁醒目/自動波，請大家早少少同HR要求準備#IR56G嘅表格，並俾定個Copy 你安排清稅，最後一期糧仲會扣起，等你清完稅先會發放 （睇唔同公司安排，不過Last Payment被扣起真係要早啲搞）！
清稅文件及手續
帶齊身份證，IR56G表格，相關減免稅項嘅文件 （自願醫保、可扣稅年金、認可嘅慈善捐款、進修費用單據等等）就可以去清稅，如有子女及供養父母享有免稅額，稅局都有機會要你提供相關身份證明文件，完成後會拎到「同意釋款通知書」，完成後你就可以拎到公司嘅Last Payment，你，完成後最好WhatsApp或Email返俾人事部確認，並喺離港前查戶口及處理好同前公司嘅錢銀問題。
去邊度清稅？
香港年初通關，去旅行出差同移民嘅人勁多，辦理護照同回鄉證嘅辦事處日日排長龍，大家如果想清稅嘅話，除咗灣仔稅務大樓，仲可以考慮去新建嘅啟德稅務局辦理，唔駛迫晒喺灣仔處理 ，清稅地址：
- 啟德：香港九龍啟德協調道5號税務中心
- 灣仔：香港灣仔告士打道5號税務大樓
各稅務組別及如何前往可參考稅務局網站。
延伸閱讀：移民搬屋價格大比拼：格價要睇細節
及早準備 安心移民
清稅嘅安排及文件準備，建議喺一個月前準備定，唔好預到啲時間太倉促，離職後起碼預一至兩星期先上機，方便處理清稅及通知人事部發放最後一期人工同最後執嘢上機。
至於搵移民搬屋公司，建議最遲喺出發前2個月做報價，因為執屋都好花時間，至於幾時先運送，EASYMOVE就有靈活嘅安排，提供14日免費存倉，可以到咗目的地再通知運送地址，所有嘢早啲準備，安心又開心！
EASYMOVE 搬運易
電話/WhatsApp :+852 46285535
電郵： [email protected] （一般查詢）
[email protected] （業務查詢）
延伸閱讀：及早了解移民-國際運送禁運清單加拿大篇
常見問題 Q & A：
問：點解移民仲要搞清稅？
答： 所有有稅務責任嘅人喺離港前都要清繳香港嘅稅務，僱主亦會保留最後一期薪金暫時唔會出俾你，等清稅完成先會發放。
問：在職人士移民需要提供邊啲文件安排清稅？
答：身份證，已填好嘅IR56G表格，減免稅項嘅文件 （自願醫保、可扣稅年金、認可嘅慈善捐款、進修費用單據等等）子女及供養父母免稅額嘅相關身份證明文件 （出世紙、身份證副本）。
問：唔清稅會點?
答： 睇晒呢篇文仲會咁問嘅⋯⋯離港人士若無辦理清稅，將會被檢控，被懲處級罰款，大概係HK$10,000，稅務局更可向法院申請禁止未清繳稅款人士離開香港，想移民都係想離開，乖乖地清稅免手尾跟。
