英國禁運清單2024 - 除咗杯麵唔得 ，國際運送仲有邊啲食品同書唔寄得？
移民搬屋咁大件事，除咗安排國際搬運時怕執漏嘢，硬係覺得自己到埗後會好想煲下中湯，間唔中食個杯麵，想帶呢樣想帶嗰樣，不如出發前睇睇有咩唔帶得啦！
食品及飲品
美國、加拿大、英國嘅海關對入境嘅食物限制非常多，蔬菜水果唔准寄，含有肉類、蛋類或乳製品嘅，都唔可以入境，無論係未煮、煮好或乾身嘅，都唔准！ 臘腸、肉鬆、豬肉乾、杯麵、蛋卷、湯包、海味等等都唔可以郵寄。所有食物都唔可以歸納為自用物品，必須經商業途徑進口，並持有相關入口證及打稅。
中秋嘅雙黃蓮蓉月餅或流沙奶黃月餅都有蛋嘅成份，全部都唔寄得，移民托運若遇上延誤，相關嘅食品變壞咗都唔好，如有需要，有物流公司安排運送月餅嘅特別派送服務。
有藥用成份嘅物品
西藥、中藥、牛黃丸、保濟丸、救心等等，甚至含有藥用成嘅藥膏都唔可以寄，如果Hand Carry的話，請報關時清楚列明，最好帶定醫生紙先上機。
延伸閱讀：國際禁運清單：加拿大篇- 千祈唔好寄呢種食物
酒精及易燃物
酒水、酒精唔帶得，屋企多餘嘅酒一係飲晒佢 （？！），係送/賣走佢； 指甲油，壓縮噴髮膠、暖包暖蛋芯（可發熱嘅粉狀）等易燃物都唔可以運送。
仿製品及侵權商品
英國唔准任何侵權或違反商標法嘅物品入口，尤其侵犯英國本土品牌嘅物品，如果屋企有冒牌A貨手袋 （有時買咗唔知，或者人哋送嘅唔太清楚），唔好冒險帶去英國啦，另外，違反著作權嘅書籍或印刷品、珍藏嘅老翻光碟或書，都唔可帶啦！ （賭博相關書籍及彩票、色情或恐怖嘅書、畫或漫畫都唔准㗎）。
貴金屬及鑽石
首先太貴重嘅嘢要跟身，亦都唔建議帶太多貴金屬，鑽石原石 （Rough Diamonds) 就寫明係違禁品，已經鑲好嘅鑽戒、結婚戒指，只要報關寫清楚，係可以上機嘅。
船運不可寄運之物品清單
❌ 活生動物
❌ 所有食物飲料，包括各類植物和水果、肉類、乳製品
❌ 需要醫生處方的藥物、中藥、健康補健食品
❌ 粉狀物如化學藥劑、奶粉、沙泥土，植物，貝殼，標本
❌ 武器、危險物品、各式槍械及其配件
❌ 易燃物品或壓縮罐或液化及受壓 溶解的氣體，包括：
髮膠、殺蟲劑、罐裝瓦斯、噴霧劑等受壓氣體
❌ 酒精成份物品（例如：香水，指甲油，搓手液）
❌ 含鋰電池物品（例如，電鑽）
❌ 所有商業用品
❌ 煙草、毒品及罌粟、古柯、大麻種子等
❌ 貨物所經之任何國家或地方政府法例列明之違禁品
英國列以下物品清單為禁運物品：
❌ 受監管藥物和毒品
❌ 攻擊性的武器（如：彈簧刀、槍械）、防身噴霧（如：胡椒粉噴霧劑和催淚性毒氣）、彈藥和炸藥
❌ 不雅及淫褻物品
❌ 不允許在英國境內使用之無線電發射機
❌ 任何家禽肉類和奶類，以及其製成品
❌ 植物、植物產品（如： 蔬果，馬鈴薯）、種子
❌ 瀕危動物和植物，包括動物毛髮、動物皮製品及其他來自受保護物種的產品
❌ 未經加工的原鑽、鑽石原石
❌ 盜版、侵害知識產權的物品，包括偽名牌、盜版光碟等侵犯商標、專利及著作權的商品
為避免整批貨物被進行全面檢查，甚至被扣關，請避免運送以上物品至英國，最新資訊以HMRC 及 英國海關網站為準。
（請瀏覽英國政府禁運及有限制入境的網站）
Bonus： 電器即係寄唔寄得呢？ EASYMOVE Pack貨小貼士：
雖然Dyson源自英國，但屋企嗰部吸塵機未壞兼咁貴，當然想帶埋去，但運貨往英國唔可以有鋰電池，我哋建議客戶將粒電拆出嚟Hand Carry，機身可以托運，客戶分享話Dyson要用啲小工具先拆到，Pack電器嘅話就要預留多啲時間啦～
盤點生活真正所需 過新生活
其實好多物品例如杯麵、公仔麵、衛生巾等等英國都有得賣，款式仲越嚟越多，移民搬屋唔單止要斷捨離，盤點真係需要帶過去嘅物品時，唔駛太擔心日常用品唔夠用，移民係要追求新生活，試下食同用當地嘅嘢，適應新環境，希望以上嘅英國禁運清單幫到大家啦！
延伸閱讀： 移民搬屋價格大比拼:格價要睇細節，呢樣嘢唔一定包
EASYMOVE 搬運易
網上快速落單查詢 : 按此填Form
電話/WhatsApp :+852 46285535
電郵： [email protected] （一般查詢）
[email protected] （業務查詢）
